Чындыкты ачыкка чыгарган Аксынын жергиликтүү депутаты Жанарбек Надырбековду УКМК борборго чакырды

“Учурда коомчулук арасында кызуу талкууга алынган, Аксыдагы Үңкүр-Тоонун тагдыры чын эле талаш-тартышка түштү. Бирок бул бийлик дагы, өткөн бийликтин катачылыгын кайталап жатат. Анткени Аксыдагы болгон чындыкты кабарлап турган, биздин жергиликтүү депутат Жанарбек Надырбековду Бишкекке УКМК чакырды”, — деп билдирди бүгүн, 30-мартта Кyrgyztoday.kg маалымат агенттигине Аксы районунун жергиликтүү депутаты Сапар Анарбеков.

“Темир Сариев, 2015 – жыл 11-ноябрда 18-177 номерлүү буйрукка өзү кол койгон. Ага 22-мартта жыйынга катышкан 22 депутаттын баардыгы күбө. Эми Үңкүр-Тоодогу РРС-24 Кербен станциясын Унгар-Тоонун таандыгы аныкталганга чейин башка тоого көчүрүү сунушун берген. Анткени, бизге келип түшкөн протокол боюнча карап, Үңкүр-Тоо стратегиялык обьект, эгер радио-релейлик станцияны көчүрүп кетсек, Өзбекстан тоону алып коет деп өзүбүздүн токтомду чыгарганбыз. Үңкүр-Тоого жөн эле эми Азимбек Бекназаровду күнөөлөп, ага жалган-жалаа жаап жатышат”, – деди жергиликтүү депутат.

Эске сала кетсек, Кыргызстандын чечилбеген чек арасы, тээ Турдакун Усубалиевдин убагынан бери эле келе жатат. Тунгуч президентибиз Аскар Акаев “Үзөңгү-Куушту Кытайга карматам” деп кыргыздын алты азаматы окко учкан. Ага кошумча Аскар Акаев, Нурсултан Назарбаев менен куда-сөөк болгондон кийин, Жогорку Кеңештин макулдугусуз Каркыраны казактарга карматса, эми экинчи кадр кайра кайталанып, Жогорку Кеңештин макулдугусуз Темир Сариевдин колу коюлган токтому Аксыда пайда болду.

Бул көрүнүшкө Жогорку Кеңештин  эл аралык иштер, коргоо жана коопсуздук боюнча комитеттин мүчөлөрү жооп катары кечээ, 29-мартта жыйын өткөрүп, Өкмөтгө, “Аксы районунун Унгар-Тоосунда жайгашкан “Кербен” (РРС-24) радиорелейлик станциясын башка жерге көчүрбөстөн азыркы турган ордунда калтыруу жана аталган станциянын ишмердүүлүгүн күчөтүү, Бул маселелер боюнча Кыргыз Республикасынын жарандарына түшүндүрүү иштерин жүргүзүү, Кыргыз Республикасынын Башкы Прокуратурасына Кыргыз Республикасынын Премьер-министринде болгон кеңешменин 2015-жылдын 11-ноябрындагы №18-177 протоколунун бурмалангандыгын текшерүү жана юридикалык баа берүү. Кыргыз Республикасынын Башкы Прокуратурасы Кыргыз Республикасынын Жогорку Кеңешинин Эл аралык иштер, коргоо жана коопсуздук боюнча комитетине жогоруда баяндалган маселелер боюнча толук маалыматтарды 2016-жылдын 20-апрелине чейин жөнөтүү” боюнча талаптарын расмий билдирди.

Мыйзам боюнча Кыргызстанда парламенттик башкаруу. Тилекке каршы килтейген 7 кабатта иштеген 120 депутат билбей калган сырлар ачыкка чыгып жатат. Эми Кыргызстанды, Мекенди сүйгөн Жогорку Кеңештин депутаттары, Үңкүр-Тоону сактап калабы же болбосо Темир Сариевдин “чынбы же жалганбы” токтому кандай тагдырга туш болот аны убакыт көрсөтөт. Баарыбызга белгилүү болгондой Аксы эли, атасы басып барбаган Үзөңгү-Кууш үчүн Акаевдин бийлигин алкымдан алган. Ал эми жергиликтүү калк Үңкүр-Тоону “Өзбекстанга бербейбиз” деп чекит койду. Кызыктар алдыда…
Унгар-Тоо 1-ый протокол
Унгар-Тоо 2-й протокол
Гүлжан Шерипбаева, Кyrgyztoday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *