АКШ Чийгозго чыккан өкүмгө карата кабатырлануусун билдирди

АКШнын мамлекеттик департаменти крымдык татарлардын Межлис төрагасы Ахтем Чийгозго чыгарылган айыптоо өкүмүнө карата тынчсыздануусун билдирди.

Мамлекеттик департаменттен билдиришкендей, Чийгоз жарым арал Орусия тарабынан оккупациялана электе болгон башаламандыктарды уюштурган деп негизсиз айыпталууда.

«Чийгозго чыгарылган өкүм — Орусиянын Крымды аннексиялоо аракетине каршы болгондугу үчүн Межлистин жетекчилерине карата көрүлүп жаткан соттук чаралардын кезектегиси болуп эсептелет», – деп айтылат билдирүүдө.

Аннексияланган Крымдын Жогорку соту 11-сентябрда крым татарларынын лидерлеринин бири Ахтем Чийгозго карата сегиз жылга эркинен ажыратуу өкүмүн чыгарды. Ал 2014-жылы 26-февралда болгон башаламандыктарды уюштурган деп айыпталууда.

Буга чейин Чийгоз тез арада бошотулушу керектигин бир катар уюмдар, жарандык активисттер жана укук коргоочулар айтып чыгышкан.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *