АКШда башына ок тийген өзбекстандык жаран көз жумду

Өзбекстандык 40 жаштагы жаран Данияр Абдумажитов Теннеси штатынын Нэшвилл шаарында башынан жаракат алган. Милициянын маалыматына караганда, ал жарым жыл мурун үй-бүлөсү менен бирге грин-карта аркылуу АКШга келген.

Данияр Абдумажитовдун өлгөнү тууралуу маалымат Gofundme.com сайтында жарыяланды.

Полиция окуянын чоо-жайын иликтөөдө. Кол салууга эмне себеп болгону белгисиз. “Азаттыктын” өзбек кызматы төрт балалуу Данияр Абдумажитов Нэшвилл шаарынын Эллистон районундагы New York Pizza пицериясында пицца таратуучу болуп иштегенин жазган.

Буга чейин АКШда жашаган өзбекстандыктар gofundme.com сайтында Абдумажитовго жардам берүү үчүн акча топтолуп жатканын жазышкан. Америкада жашаган өзбек укук коргоочусу Сухроб Исмаилов 40 миң долларга жакын акча топтолгонун кабарлаган.

2014-жылдын ноябрында Чикагодо пицца ташып иштеген кыргызстандык мигрант Абылбек Ызабеков тоноочулар аткан октон оор жараат алып, ооруканада каза тапкан.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *