АКШнын башкы прокурору Орусиянын шайлоого кийлигишүүсүн тергөөдөн четтеди

АКШнын юстиция министри жана башкы прокурору Жефф Сешнс Орусиянын Кошмо Штаттардагы шайлоо өнөктүгүнө катышуу ыктымалдыгын тергөөдөн четтеди. Бул тууралуу ал бейшембиде өткөргөн маалымат жыйынында билдирди.

Сешнс бул сыяктуу тергөөлөргө байланышкан бардык документтер жана нускамалар менен таанышып чыгып, Дональд Трамптын кеңешчиси катары өзү катышкан шайлоо өнөктүгүндөгү жагдайларды тергөөгө катышпоо чечимин кабыл алганын айтты. Ал ошондой эле Сенаттагы юридикалык маселелер боюнча комитеттин бардык кошумча суроолоруна жооп берүүгө даяр экенин билдирди.

Сешнстин айланасындагы чыр анын Орусиянын АКШдагы элчиси менен жолуккандыгы белгилүү болгондон кийин башталган. Бирок ал Сенаттын комитетинде Орусиянын өкүлдөрү менен жолукпаганын айтып, анда берилген суроолорго чын дилден, туура жооп бергенин билдирген.

Ал кечээки маалымат жыйынында Орусия элчиси менен эки ирет жолукканын, анын бири өтө кыска болгонун ырастады. Экинчиси Сешнстин Сенаттагы иш бөлмөсүндө, эки жардамчысынын катышуусунда өткөн. Айтымында, анда терроризм жана диний топторго байланышкан маселелер, ошондой эле Украинадагы кырдаал талкууланган.

Булак: Борбор Азия жаңылыктар кызматы

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *