«АрселорМиттал Темиртау» соттон кенчилердин акциясын мыйзамсыз деп таанууну өтүнүүдө

Казакстанда «АрселорМиттал Темиртау» (АМТ) компаниясы кенчилердин иш таштоосун мыйзамсыз деп табуу өтүнүчү менен сотко кайрылды. Компаниянын Караганда облусундагы бир нече шахтасында 11-декабрдан бери жүздөгөн кенчилер нааразылыктарын билдиришип, сыртка чыгуудан баш тартышууда.

Жергиликтүү маалымат агенттиктери кабаралагандай, компаниянын доо арыздары Караганда облусунун Шахтинск, Абай жана Сарани шаардык сотторуна жөнөтүлдү.

Жумуш берүүчүлөр кенчилерди жана көмүрчүлөрдүн «Коргау» кесиптик бирикмесин жоопкер катары таанууну өтүнгөн. Шахтинск шаардык сотунан аларга АМТ компаниясынын арызы бүгүн келип түшкөнүн жана сотко чейинки териштирүү иштерине даярдыктар башталганын билдиришти.

Караганда облусунда жүздөгөн кенчи төрт суткадан бери сыртка чыгуудан баш тартышууда. Алар айлыктарды эки эсеге көтөрүү, кенчилерди 50 жаштан пенсияга чыгаруу, 2017-жыл үчүн 13-айлык төлөө өңдүү бир катар талаптарды коюп жатышат. Алардын маалыматына караганда, бүгүнкү күндө иш таштаган кенчилердин саны 700дөн ашты.

Кечээ «АрселорМиттал Темиртау» компаниясынын башкы директору Парамжит Калон иш таштаган кенчилерди сыртка чыгууга чакырып, «шахтанын ишин токтотуп, жер алдында мыйзамсыз жүрүү — көйгөйдү чечпей турганын» айтканы маалымдалган.

13-декабрда аймактын бийлиги шаршенбиге оогон түнү Караганда облусунун башчысы шахтага түшүп, жумушчулар менен сүйлөшкөнүн, андан кийин 150 кенчи сыртка чыгууга макул болгонун кабарлаган. Кенчилердин өзүлөрү болсо сыртка жумушчулардын айрымдары гана чыкканын жана алардын көбү ден соолугуна байланыштуу ушундай кадамдарга барышканын билдиришүүдө

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *