Ашхабадда мугалимдерге айлык берүү кайрадан кечиктирилүүдө

Ашхабадда мектеп жана бала бакчалардын кызматкерлерине маяна берүү кечиктирилүүдө. “Азаттыктын” түркмөн кызматы кабарлагандай, мугалимдер марттын айлыгын алыша элек.

“Апрель аяктап баратат, бизге болсо марттын айылыгын берише элек. Аванс дагы ала алган жокпуз. Күндө жумуштан кийин банкоматтарга барып айлык түшкөн жокпу деп текшеребиз. Бирок акча жок. Жетекчиликке кайрылганыбызда жума сайын айылык караталарга которуларын айтышат”,-деди ашхабаддык мугалим.

Түркмөнстанда мамлекеттик кызматкерлердин айлыктары, пенсионер жана майыптардын пенсиялары, жөлөк пулдар, студенттердин стипендиялары, мындан тышкары айрым аймактардагы дыйкандардын кирешелери пластикалык карталарга которулат.

Айлык акыларды берүүнү жапырт түрдө кечиктирүү учурлары алгач ирет былтыр жазда белгилүү болгон.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *