Астанадагы Сирия сүйлөшүүлөрүн мартта өткөрүү пландалууда

Сириядагы абалды жөнгө салуу боюнча Астанадагы тынчтык сүйлөшүүлөрү март айында өтөт. Бул тууралуу Казакстандын ТИМи билдирүүдө.

19-февралда ТАСС агенттиги Орусия, Түркия, Иран тышкы иштер министрлери 16-мартта Астанада жолугуша турганын кабарлаган.

“Сирия маселеси боюнча кепил өлкөлөрдүн тышкы иштер министрлеринин жолугушуусун мартта өткөрүү тууралуу сунуш түшкөн. Биз отурумдун катышуучуларынын баары бир күндү расмий түрдө белгилешин күтүп жатабыз”,- деди Казакстан ТИМинин басма сөз катчысы Ануар Жайнаков.

Акыркы жолу Сирия сүйлөшүүлөрү 21-22-декабрда өткөн, тараптар кийинки жолугушууну февралга белгилешкен. Кийинчерээк отурум кепил өлкөлөрдүн ТИМ башчылары жолугушкандан кийин өтөрү маалымдалган.

Булак: Борбор Азия жаңылыктар кызматы

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *