Бактыбек Абдиев Мамбетовдой болуп иштей албай жатат

Өкмөт башчы Сапар Исаков өкмөттүн жыйынында Мамлекеттик курулуш, архитектура жана коммуналдык чарба боюнча агенттиктин жетекчиси Бактыбек Абдиевди сынга алды. Баш бакан: “Бактыбек Абдиевич, жакшы иштей албай жатасыңар.

Жакшылап анализ кылып, ойлонгулачы. Силердин мекемеде эмне эле болуп жатат. Коррупция жана башка маселелер боюнча силерге нааразы болгондор көп” – деген маңызда сүйлөп, негизги маселени кабыргасынан койду. Ошондой эле, анын орун басары, Жээнбековдон “Чык эшикке!”- деп жеме уккан Алмаз Абдыкаровду кызматтан алуу боюнча маселе козгоду. Чынында Абдиев 2016-жылдын этегинен бери бул кызматта олтурганы менен олуттуу иштерин элге көрсөтө албай келет. Архитектура жагын билгени менен курулуш, коммуналдык тармакка тиши өтпөй, мокоп жа­тат окшойт. Неге дегенде, Абдиев курулушта эмес, көп жылдар бою архитектура багытында иштеди. Ал өзү жетектеп жаткан мекеме дагы эле коррупциялашкан мекемелердин сап башында турарын жакшы билбейт окшойт. Калыстык үчүн айтып коюу керек, Абдиевге чейинки жетекчи Турдубек Мамбетов жакшы иштеген, курулуш тармагындагы бир топ коррупциялык схемаларды ачыктаган. Канткен менен Мамбетовдо тажрыйба мол эле да. Жаңы ачылыш жасап жибере албаган Абдиев жок дегенде, Мамбетовдун жакшы иштерин да уланта албады. Бул темп менен жүрүп олтурса, коррупцияны дагы күчөтөт го…

Булак: Багыт 

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *