Баланы жашырып алып кеткиси келген аял кармалды

“Чалдыбар-автоунаа” көзөмөл өткөрмө жайында 7 жашар баланы туулгандыгы тууралуу чоочун күбөлүк менен тышка алып кетүүгө аракет кылган кыргыз жараны кармалды. Чек ара кызматы билдирген маалыматка караганда, 1987-жылы туулган аял чек арада паспорт көзөмөлүнөн өтүүдө чек арачыларга Орусиядан берилген, туулгандыгы тууралуу күбөлүктү көрсөткөн. Чек арачылар оозеки суроолор менен баланын ата-энеси, жаш курагы тууралуу маалымат документтеги маалыматка туура келбей турганын аныкташкан. Бул боюнча кармалган аял, баланын атасы аны чет өлкөгө алып кетүүгө уруксат бербей койгондуктан күбөлүктү жасаганын билдирген.

Булак: “Фабула”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *