Бишкек шаары дүйнөдөгү эң начар 33 шаардын катарына кирди

Британиялык күн сайын чыгуучу The Independent  гезити Кыргызстандын борбор шаары Бишкек 2017-жылы дүйнөдөгү эң начар 33 шаардын катарына киргенин жарыялады. Mercer консалтингдик фирмасынын рейтингинде Бишкек дүйнөдөгү эң начар шаарлардын ичинде 21-орунду ээлеген.

Кыргызстандын экономикалык борбору болгон Бишкектеги калктын кедейлиги жана бийликтин терроризм менен болгон күрөшүнүн абалы анын ушул арткы орунга түшүп кетишине себеп болгон.

Mercer дүйнөдөгү 450 шаарды карап чыгып, алардын ичинен жашоого эң ылайыксыз деп 33үн тандап алган. Ал жака Ташкент дагы (26-орун), Ашхабад (23-орун) жана Душанбе (19-орун) дагы кошулган. Эң начар делип Багдад, Йемендин борбору Сана – 3-орунда, сириялыктардын Дамаскы 7-орунду ээлеген.

Мындай рейтинг жыл сайын жүрөт жана ал эл аралык компанияларды же башка жумуш берүүчүлөрдү ошол шаарларга жайгаштырууда жетиштүү каражаттарды бөлүү үчүн өткөрүлөт. Консалтингдик фирма баалаган критерийлерде коомдук жана саясий стабилдүүлүк, кылмыштуулук деңгээли, банктык кызматтар, цензура жана өздүк эркиндиктин чектелүүлөрү, медициналык жана ден соолукту жакшыртуу аспектилери, окуу жайлардын эл аралык билим берүү стандартына шайкеш келүүсү, коммуналдык кызматтар жана транспорт, ресторандар, театрлар, керектелүүчү товарлардын арзандыгы, турак жай жана турмуштук техниканы ижарага алуудагы жеңилдиктер жана экологиялык чөйрө эске алынган.

2 comments

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *