Бишкекте «Ала-Бука жана Чаткал таланттары» аттуу концерт өтөт

Август айынын Жыйырма алтысында борбордо Эгемендүүлүк күнүнө карата жана Ала-Бука районунун 80 жылдыгына арналган «Ала-Бука жана Чаткал таланттары»  аттуу чоң программадагы концерт Кааба уулу Кожомкул атындагы спорт ордосунда болоору күтүлүүдө. Бул  тууралу концертти уюштуруп жаткан продюсер Курманбек Ниязбеков билдирди.

Концертке эки өрөөндүн өнөр адамдары катышат. Айта кетсек КРнын Эмгек сиңирген артисттери Шакен Жоробекова, Дилшат Кангелдиевадан тартып белгилүү акын, обончу Атантай Акбаров ошондой эле куудул, пародист Ильяз Агыбай уулу, ырчы, обончулар Рыскул Абраимов, Тотомидин Жолдошов, Эмил Балтагулов, Түмөнбай Колдошов, Замир Маатбеков, Алтынбек Борошов жана эми гана төкмө акындардын катарын толуктай баштаган Мырзайым Айтимбетова өңдүү таланттар тизмеден орун алган. Бул дагы толук тизме эмес. Калган өнөрлүүлөрдү концертке келип гана көрсөңүз болот. Демек, 26-август 19:00дө Спорт Ордосуна келиңиздер!

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *