Бишкекте пенсионер Путинден берилчү жардамга ынанып, дээрлик миллион сомунан ажырады


 Бишкекте милиция Орусия президенти Владимир Путинден материалдык жардам алып берүүнү убадалап, пенсионерден ири суммадагы акча алган кылмыштуу топту кармады. Бул тууралуу  шаардык ички иштер башкармалыгы кабарлады.

Маалыматка караганда, 26-январь күнү 1934-жылы туулган М. Ч., аттуу пенсионер милицияга кайрылып, белгисиз түгөйлөр ишенимине кирип, Орусия президенти Владимир Путинден материалдык жардам сурап берүүнү убадалап, 939 миң сомун алып кетишкенин кабарлаган.

Арыздануучунун билдиришинче, 30-35 жаштагы түгөйлөр өздөрүн пенсионерлерге жардам берүүчү комиссиянын кызматкерлери катары тааныштырышкан.

Бул кылмышка шектелип сегиз киши кармалды, алардын төртөө Өзбекстан жарандары, калгандары – кыргызстандыктар.

Милиция алар жашаган үйлөрдө тинтүү жүргүзүүдө. Шектүүлөр Бишкек ШИИБдин убактылуу кармоочу жайына киргизилди. Алар буга окшош дагы беш кылмышты ишке ашырышканын моюнга алышты.

Бул факт боюнча “Алдамчылык” беренеси боюнча кылмыш иши козголду.

Булак: “Борбор Азия жаңылыктар кызматы

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *