Бишкектин мэри Албек Ибраимов УКМКда сурак берип жатат

Бүгүн, 13-июнда Бишкек шаарынын мэри, экс-президент Алмаз Атамбаевдин эң жакын адамдарынын бири Албек Ибраимов ага каршы ачылган кылмыш ишинин алкагында УКМКга чакырылып, сурак берип жатат. Бул тууралу УКМКнын басма сөз кызматы билдирет.

Эсиңиздерге сала кетсек, үстүбүздөгү жылдын 30-майында УКМК Албек Ибраимов 2011-жылы “ТНК Дастан” АККнын башкармалыгынын төрагасы болуп туруп ири суммадагы акчаны уурдап жеп алган деп кылмыш ишин козгогон.

Андан башка да укук коргоо органдарынын Албек Ибраимовго бир нече дооматтары бар экени белгилүү. Мисалы Бишкек шаарынын көчөлөрүн оңдоодогу кытай насыя-гранттары, Бишкектин жерлерин сатуу жан 9 миң сомдук көчөттөр боюнча кылмыш иштери козголгону же иликтенип жатканы айтылып келүүдө.

Булак: Кyrgyztoday.кg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *