Видео – Борис Немцовду өлтүрүүгө айыпталган Дадаев 20 жылга соттолду

Бейшембиде Москва аскердик соту Чеченстан ИИМинин «Север» батальонунун мурдагы аскери Заур Дадаевди саясатчы Борис Немцовдун өлүмүнө күнөөлүү деп таап, ага карата катаал режимдеги абакка 20 жылга эркинен ажыратуу өкүмүн чыгарды.

Соттун чечими менен Дадаев жана 14 жылга соттолгон Тамерлан Эскерханов аскердик наамдарынан жана ордендеринен ажыратылды.

Дадаевге көмөктөшкөн деп айыпталган Анзор жана Шадид Губашевдер катаал режимдеги абакка 19 жана 16 жылга камалышты. Хамзат Бахаев 11 жылга эркинен ажыратылды.

Ошондой эле сот айыпталуучулардын бардыгын тең айыппул төлөөгө милдеттендирди.

Күн мурун прокурор тергөө тарабынан кылмыштын аткаруучусу деп эсептелип жаткан Дадаевди өмүр бою эркинен ажыратууну талап кылган.

Борис Немцов 2015-жылы 27-февралда Кремлге жакын жерде атып өлтүрүлгөн.

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *