Чүй облусунун аймагында Апрель окуясында жоголгон куралды алып жүргөн кылмыштуу топтун мүчөсү кармалды

Чүй облусунун аймагында мыйзамсыз ок атуучу куралды сактап жүргөн адам кармалды. Бул тууралуу ШИИБинин басма сөз кызматынан билдирди.

Маалыматка караганда, 30-октябрь күнү криминалдык милиция кызматынын кызматкерлери Чүй облусунун аймагында ыкчам издөө иш-чараларын жүргүзүп, шектүү катары 1962-жылы туулган Т.Т аттуу жаранды кармашкан. Анын үйүн тинтүү учурунда Макаров үлгүсүндөгү тапанча жана 6 даана ок табылган. Табылган курал баллистикалык экспертизага жөнөтүлүп, жыйынтыгында 2010-жылдагы Апрель окуясында жоголгон курал экендиги аныкталган.

Кармалган жаран убактылуу кармоочу жайга киргизилип, Ысык-Ата РИИБинин тергөө кызматы тарбынан Кылмыш-жаза кодексинин 241-беренеси менен кылмыш иши козголуп тергөө амалдары жүрүп жатат. Шектүү буга чейин да адам өлтүрүү жана алдамчылык боюнча соттолуп, уюшкан кылмыштуу топтун мүчөсү катары ИИМдин каттоосунда тургандыгы аныкталды.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *