Депутат Иса Өмүркулов: “Атамбаевсиз СДПК” деген кыймылдын активисттери менен болгон жолугушуума Асылбек Жээнбековдун тиешеси жок”

“КСДПнын келечеги бар, бирок ал өнүгүшү үчүн анын жетекчилиги кетиши керек” деген пикирин депутат Иса Өмүркулов журналисттерге билдирди.

“Бул партия жашашы керек. Анын кең келечеги бар. Бирок анын жетекчилиги кетмейинче партия өнүкпөйт”, – деди депутат.

Мындан тышкары анын “Атамбаевсиз СДПК” деген кыймылдын активисттери менен болгон жолугушуусуна Асылбек Жээнбековдун тиешеси жок экенин кошумчалады.

“Мен бул адамдарды кабыл алганыма анын тиешеси жок. Мен ар кайсы уюмдардын өкүлдөрүн кабыл алдым. Эч кандай мыйзам бузуу кылган жокмун. Күнүгө мага кайрылган жарандарды кабыл алам. Бул адаттагы көрүнүш. Кимди кабыл алышым керек, кимди кабыл албашым керек мага эч ким буйрук бере албайт”, – деди депутат.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *