Депутат Канат Исаевге каршы козголгон кылмыш иши боюнча депутаттык комиссия түзүлдү

Бүгүн, 18-майда КР Жогорку Кеңешинин кезектеги отурумунда “Кыргызстан” фракциясынын лидери Алмазбек Батырбеков фракциянын мурунку лидери, депутат Канат Исаевге карата ачылган кылмыш иши боюнча депутаттык комиссия түзүүнү сунуштады.

Добушка коюлган сунушту жыйында каттоодон өткөн 110 депутаттан 80 депутат колдоп, “макул” деп добуш беришкен. Натыйжада парламенттеги 6 фракциянын 12 депутатынан турган комиссия түзүлдү.

Эсиңиздерге сала кетсек, УКМК былтыр депутат Канат Исаев президент Алмаз Атамбаевге таарынып, анын көзөмөлүнөн чыгып кеткенден кийин ага каршы КР Кылмыш-жаза кодексинин 303-коррупция беренеси менен кылмыш ишин козгогон. УКМК Канат Исаев Токмок шаарында мэр болуп турганда шаардын жерин жеке менчик соода борборун курууга мыйзамсыз уруксат берген деп күнөөлөп, 11-май күнү айыбын угузган.

Булак: Кyrgyztoday.kg

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *