Депутат Табылды Тиллаев премьер-министр Темир Сариевдин отставкасын талап кылды

“Республика – Атажурт” фракциясынын депутаты Табылды Тиллаев бүгүн, 6-апрелде премьер-министр Темир Сариевдин отставкасын талап кылды. Жогорку Кеңештин Балыкчы-Корумду жана Бишкек — аэропорт «Манас» жолдорун куруу боюнча тендердин мыйзамдуулугун текшерүү боюнча депутаттык комиссиянын отурумунда анын мүчөсү Табылды Тиллаев премьер-министр Темир Сариевге коррупциялык айыптар тагылып жаткандыгына байланыштуу отставкага кетпесе бул айыптар калыс текшерилбей калат деп билдирди.
Буга чейин КР Транспорт министри Аргынбек Малабаев премьер-министр Темир Сариевди баасы 8 миллиард сом турган аталган тендерлерди өткөрүүдө анын жеке коррупциялык кызыкчылыктары менен айыптаган. «Тендерди октябрда утуп алган «Лонг Хай» компаниясы ноябрда гана Мамархкурулуштан жана Юстиция министрлигинен 3-даражадагы лицензия алган. Бул 3-даражадагы лицензия жол оңдоого гана укук берет, жол салганга укук бербейт.»Лонг Хай» компаниясында премьер-министр Темир Сариевдин жакын кишилери иштейт, ошондуктан бул компанияда Темир Сариевдин кызыкчылыктары бар. Ушул себептен «Лонг Хай» компаниясы тендерден миллиарддаган сомдорду чапчыган тендерлерди мыйзамдарды одоно бузуп утуп алып жатат. Азыр «Лонг Хай» компаниясы өзүнүн техникасы жана жол куруу тажрыйбасы, адистери жок болгондуктан эки кыргыз компаниясын жалдап алып жол салдырып жатат. Бул жолдордун сапатына ким жооп берет?», — деп баяндаган КР Транспорт министри Аргынбек Малабаев.
Булак: Кyrgyztoday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *