“Ералаш” киножурналынын атактуу актеру Николай Румянцев дүйнө салды

Кечээ, 8-ноябрда белгилүү “Ералаш” киножурналынын атактуу актеру 54 жаштагы Николай Румянцев дүйнө салды. Бул тууралуу “starhi.ru” сайты жазып чыкты. Маалымат боюнча анын өлүмүнүн себептери азырынча белгисиз.

Жакында эле ал “Сегодня вечером” программасына тартылып жатып “менин экинчи атам Борис Юрьевич, сизге менин бактылуу балалыгым үчүн жана Ералаш үчүн рахмат” деп айткан. Ошондой эле ал “Ералаш” долбоорунан кийин “Весенняя Олимпиада” же “Начальник хор” деп аталган жана “Прилетал марсианин в осеннюю ночь” аттуу кинолордо роль жараткан. Бирок анын жылдызы дал ушул “Ералаш” балдар долбооруна тартылгандан кийин жанган.

Эскерте кетсек, “Ералаш” киножурналы 1974-жылдан тарта эфирге чыга баштаган.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *