Евро-2016: Атамбаев Исландия командасынын оюдарына суктануусун билдирди

Алмаз Атамбаев Исландиянын президенти Оулавюр Рагнар Гримссонду Исландия курамасынын футбол боюнча 2016-жылдагы Европа чемпионатынын 1/4 финалына чыгышы менен куттуктады. Бул тууралуу президенттин маалымат кызматы билдирди.

“Командалык күчтүү эрк менен намыс, керемет оюн, күйөрмандардын бир кишидей колдоосу, албетте, урматтоо жана суктануу сезимин жаратат”, – деп айтылат Атамбаевдин телеграммасында.

Президент ошондой эле Оулавюр Рагнар Гримссонго чың ден соолук жана бакубатчылык каалап, Исландия элине тынчтык, гүлдөп өнүгүү жана жаңы жеңиштерди тиледи.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *