Фото – Текебаевдин тарапкерлери “Атамбаев куугунтукту ТОКТОТ!” деген талап менен ачкачылык башташты

Бүгүн, 31-июлда Бишкектеги “Ата-Мекен” партиясынын кеңсесинде абактагы Өмүрбек Текебаевдин тарапкерлери ачкачылык акциясын башташты. Бул тууралу партиянын жаштар канатынын өкүлү Жакшылык Бердибеков социалдык тармактарда төмөнкүдөй мазмундагы билдирүү таратты:

Атамбаев куугунтукту ТОКТОТ!

Саясий куугунтук мурун эле башталган. Бирок, акыркы бир жылда бир ууч саясий топ бийлигин сактап калуу аракетин катуу баштады. Атамбаевдик бийликке “боло берет экен” деген ыкма менен кетип баратат.

Өмүрбек Текебаевдин ишин аны үй камагына чыгарып алып деле териштирсе болмок. Ал тургай күнөөсүн аныктай албай жатышып, кылмыш кылып жаткан жеринен кармап алган адамдай мамиле кылышууда. Текебаевдин адамдык укугун болуп көрбөгөндөй тебелешти.

Өмүрбек Текебаевдин жана Дүйшөнкул Чотоновдун партиялаштары жана туугандары мындай ыпластыка кыргыз жана эл аралык коомчулуктун көңүл буруусу үчүн ачкалчылык жарыялоого аргасыз болуп жатышат.

Ачкачылык жарыялоо менен биз бул саясий куугунтука маани берип, баарыбыз бир үн менен бийликке ТОКТОТ деп айтып көрөлү.

Биздин дүйнө элдери менен жарыша өнүгүүбүз ушундан башталат!

Ачкачылык Рыскулов 111-Калык Акиев көчөлөрүнүн кесилиши, “Ата Мекен партиясынын штабында башталды.”

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *