Фото – Жалал-Абадда мамлекеттик жана муниципалдык кызматкерлер ишембиликке чыгышты

Бүгүн, 15-апрелде КРнын Өкмөтүнүн Жалал-Абад облусундагы ыйгарым укуктуу өкүлүнүн  аппаратынын кызматкерлери  Жалал-Абад шаардык мэриясынын кызматкерлери менен биргеликте республикалык ишембиликтин алкагында Жалал-Абад шаарынын Спутник кичи шаарчасындагы Нооруз сейил багына ар кыл  дарактардын жаш көчөттөрүн олтургузушту. Бул туурасында ыйгарым укуктуу өкүлдүн басма сөз катчысы маалымдады.

Отображается файл "Жалал-Абадда ишембилик отту 001.jpg"

Быйылкы жылдын 27-февралында КРнын Өкмөтүнүн Жалал-Абад облусундагы ыйгарым укуктуу өкүлү Кыянбек Сатыбалдиев 2017-жылдын 1-мартынан 1-июнуна чейин “Облустун аймагында айлана-чөйрөнү архитектуралык талаптарга ылайык көрктөндүрүү, калктуу аймактарды жашылдандыруу жана санитардык абалын жакшыртуу жөнүндө” үч айлыкты жарыялаган №43-б буйругун чыгарган. Аны талаптагыдай ишке ашыруу максатында райондор менен шаарларда жана айыл аймактарында атайын штабдар түзүлүп, иш алып барышууда.

Отображается файл "Жалал-Абадда ишембилик отту 003.jpg"

Мамлекеттик жана муниципалдык кызматкерлер көрктөндүрүү жана жашылдандыруу жумуштарын аткаруу максатында Жалал-Абад шаарынын Спутник шаардык аймактык башкармалыгындагы 8 гектар аянтты ээлеген Нооруз сейил багына 100 даанадан ашуун алма, арча, каштан жана башка  ар кыл дарактардын жаш көчөттөрүн олтургузуу иштерин аткарышты. Ишемибиликтин башында ыйгарым укуктуу өкүл Кыянбек Сатыбалдиев, Жалал-Абад шаарынын биринчи вице-мэри Турдалы Темирбаев өздөрү туруп, иштеп беришти. Мамлекеттик жана муниципалдык кызматкерлер көчөттөрдү олтургузуудан сырткары Нооруз сейил багынын арыктарын тазалашып, бак-дарактарды акиташ менен сырдоо жумуштарын дагы кошо жасашты.

Отображается файл "Жалал-Абадда ишембилик отту 011.jpg"

—   Бүгүнкү өтүп жаткан республикалык ишембиликке облустук жана район-шаарлардагы бардык мекеме-ишканалардын эмгек жамааттары өздөрүнө бөлүнгөн аймактарда ишембиликти уюшкандыкта өткөрүп жатышат. Ал эми айыл чарба тармагында иштегендер жазгы талаа жумуштарын ыкчамдатып жатышат,- деди ыйгарым укуктуу өкүл Кыянбек Сатыбалдиев.

Отображается файл "Жалал-Абадда ишембилик отту 032.jpg"

Республикалык ишембилик облустун бардык район-шаарларында элдин активдүү катышуусу менен өткөрүлүп жатат. Ал эми дыйкандар менен фермерлер болсо “Жаздын бир күнү жылды багат” дегендей жазгы талаа жумуштарын кызуу башташып, күздө жыйналып алынуучу берекелүү мол түшүм жетиштирип алуунун  аракеттерин күн санап күчөтүп жатышат.

Отображается файл "Жалал-Абадда ишембилик отту 042.jpg"

Отображается файл "Жалал-Абадда ишембилик отту 037.jpg"

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *