Фоторепортаж – Президент Сооронбай Жээнбеков Кыргыз Республикасынын Мамлекеттик туусунун авторлору менен жолугушту

Кыргыз Республикасынын Президенти Сооронбай Жээнбеков Кыргыз Республикасынын Мамлекеттик туусунун авторлору Эдил Айдарбеков, Бекбосун Жайчыбеков жана Жусуп Матаев менен жолугушту.

Мамлекет башчысы авторлорду Кыргыз Республикасынын Мамлекеттик туу күнү менен куттуктап, ал 1992-жылы “легендарлуу парламентте” бекитилгенин белгиледи.

«Сиздер Кыргызстандын Мамлекеттик туусунун авторлору катары түбөлүккө тарыхта каласыздар, мамлекеттин тарыхына кошкон салымыңар эч качан унутулбайт. Мамлекет жана анын жарандары ар дайым сиздер менен сыймыктанат», – деп белгиледи Президент Сооронбай Жээнбеков.

Туунун авторлору Э. Айдарбеков, Б. Жайчыбеков жана Ж. Матаев Мамлекет башчысын жылуу кабыл алып, көңүл бурганы үчүн ыраазычылык билдиришти.

Сооронбай Жээнбеков Мамлекеттик туунун авторлоруна Кыргыз Республикасынын Президентинин энчилүү сааттарын тапшырып, аларга бекем ден-соолук, бакубатчылык, ийгиликтерди жана узун өмүр каалады.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *