КТРКнын гендиректору Илим Карыпбеков Нариман Түлеевди Атамбаев менен түшкөн селфи үчүн сындады

КТРКнын жетекчиси Илим Карыпбеков Бишкектин экс-мэри Нариман Түлеевди экс-президент Алмазбек Атамбаев менен кечээ, 22-октябрда Бишкек-Москва каттамындагы учакта түшкөн сүрөтү үчүн сындады.

“Түшүнбөйм, жек көргөн адамың менен жылмайып сүрөткө түшүүнүн эмне кереги бар? Же азыр ошондой модабы, сүрөткө күлүп түшүп, артынан аны жамандаган,”- деп билдирген Илим Карыпбеков Твиттер баракчасында.

Айта кетсек, буга чейин Нариман Түлеев Алмазбек Атамбаев менен түшкөн селфини социалдык түйүндөргө жарыялаган.

“Шоопур камалгандан кийин качууну чечсе керек. Учакта көбүнчөсү ал жөнүндө жаман нерселерди айтып жатса дагы укмаксан болуп коюп.  Мен ага ал жөнүндөгү оюмду, өлкөнү эмне кылганын айтайын десем дудук, керең кишидей болуп отурат,”- деп мурун жазган эле мурдагы калаа башчы.

Андан соң Түлеев экс-президент менен жолдош катары түшкөн сүрөтүн жарыялаган.

 

Айта кетсек Алмазбек Атамбаев кечээ Орусияга учуп кеткен. КСДПнын катчылыгынан билдиргендей мурунку өлкө башчы жеңесинин тажыясына жана 24-27-октябрда өтүүчү Азиядагы саясий партиялардын Х башкы ассамблеясында катышат.

Булак:KyrgyzToday

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *