Иран парламенти өлкөдөгү кырдаалды жабык талкуулады

Иран парламенти 7-январда атайын жыйынга чогулуп, өлкө жарандарынын өкмөткө каршы нааразылык акцияларын жабык режимде талкуулады.

Ирандын ISNA маалымат агенттиги сессияга өлкөнүн ички иштер министри жана чалгындоо башкармалыгынын, Коопсуздук кеңешинин башчылары катышканын маалымдоодо.

Күн тартибинде өлкөдөгү кырдаалды талкуулоодон тышкары, нааразычылык акция учурунда камакка алынган адамдарга укуктук жардам берүү зарылдыгы каралды.

Өкмөткө каршы акциялар жүрүп жаткан күндөрү бийлик мамлекеттик ММКлар аркылуу өкмөттү колдогон митингдерди гана көрсөтүүдө. Бирок “Эркин Европа/Азаттык” радиосу 6-январда өкмөткө каршы нааразылык акциялар Тегеранды кошкондо тогуз шаарда өткөнү тууралуу маалыматтарды алды. Социалдык түйүндөргө жарыяланган видеолордо митингчилерди көптөгөн полиция кызматкерлери курчап турганын көрсө болот.

Мындан тышкары өлкөнүн Такестан, Арак, Масжид Солейман, Мешхед, Казвин, Рашт, Лахиджан шаарларында жана Иран Ислам Республикасынын негиздөөчүсү, аятолла Рухолла Хомейнинин кичи мекени Хомейниде түнкү демонстарциялар болуп жатканы кабарланууда.

Иранда бир жумадан берки нааразылык акцияларындагы кагылыштарда 22 адам өлүп, 1700дөн ашык адам камалды.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *