Иса Өмүркулов: «Соттук иштердин көбөйүшү сот системасындагы адилетсиздиктен жана бийликтин өзүм билемдигинен чыгып жатат»

Акыркы учурларда ЖКдагы КСДП фракциясынын башчысы депутат Иса Өмүркулов бийликке карата катуу сын айта баштады. Өткөндө КСДП фрак­циясынын жыйынында, өлкөнүн экс­порттук мүмкүнчүлүгүн өнүктүрүү ба­гытында Өкмөттүн аткарган иши, Биз­нести жүргүзүү жана Глобалдык ата­андаштыкка туруштук берүү индекси жөнүндөгү рейтингдеринде Кыргыз­стандын көрсөткүчтөрү жөнүндө масе­ле каралып жатканда: «Аткаминерлер­дин даярдыгы жок. Жер-жерлердеги калктын абалынан кабары жок. Алар облустардын бюджетин, кайсынысы дотацияда отурганын так билишпейт. Экономика жаатында иш алпарылбай калды. ЕАЭБге кошуларда экспортту 250 миллион долларга жеткиребиз де­генсиңер, ал азыркыга чейин аткарыл­ган жок. Тоо-кен тармагын колго алуу боюнча тийиштүү чаралар көрүлбөйт. Алтынды тышка ташып чыгып ке­тишүүдө. Кен иштете тургандарды өрттөп, камалап жатышат, анан кан­тип инвесторлор келет, анан кантип иш жылат», деп билдирген эле. Ал эми жакында (шейшеби күнү) Жогорку Кеңештин конституциялык мыйзам, мамлекеттик түзүлүш, соттук-укуктук маселелер жана регламент боюнча ко­митеттин жыйынында Иса Өмүркулов «соттук иштердин көбөйүшү сот си­стемасындагы адилетсиздиктен жана бийликтин өзүм билемдигинен чы­гып жатат…тилекке каршы, сотторго буйрук жогортон келет, аны аткарбай коюудан коркушат», – деп билдирди. И. Өмүркуловдун «газды» минтип катуу тээп жатканын айрымдар «Са­пар Исаковду премьер-министирлик­тен оодарып түшсөң спикер болосуң» деп «кимдир бирөө» убадасын берип, аягында анысы Өмүркуловду «кидать этип» кеткенден кийинки аракети ка­тары сыппатташууда. Макул, мындай имиштерди «эл оозунда элек жок» ай­тылган кептердин бири деп коелу. А балким чыны менен эле И. Өмүркулов жогокудай пикирлерин чындап эле күйгөнүнөн айтып жатсачы?

Булак: “Айгай”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *