Рамзан Кадыров UFC мушкерлерин Чеченстандын “Ахмат” клубунун мүчөлөрү менен өлүмгө чейин мушташууга чакырды

Чечен республикасынын башчысынын айтымында, чечен мушкерлеринин баштарынан өткөн согуштар аларды чечкиндүү жана кайраттуу кылды.

Рамзан Кадыров UFC спорттук уюмун аралаш жекеме-жеке урушунун эң мыкты мушкерлери чыккан таймашка чакырды.

— Биз UFC  мушкерлери жана “Ахмат” клубу турнирде беттешүүсүн сунуштайбыз. Анан көрөбүз кимдин мушкерлери күчтүү экенин. Менин оюмча, бул укмуш болот. Алар аягына чейин мушташышат. Алар өлүмгө чейин таймашышат, – деди Рамзан Кадыров НВО телеканалына интервью берип жатып.

Ал чечен мушкерлери өз каршылаштарынан чечкиндүүрөөк жана кайраттуураак, анткени алар бала кезинде эле өз көздөрү менен согуштун бүт жамандыктарын көрүп койгон деп ишенимдүүлүк көрсөттү.

— Мен өзүм 15 жашыман баштап согушкам жана согуш деген эмне экенин билем. Мен мыкты солдат жана мыкты стратегмин. Мен мушташканды жакшы көрөм. Мен согушта төрөлдүм жана согушта өстүм, жана өлүм менен салгылаш мен үчүн өтө кубанычтуу нерсе болмок, – деп кошумчалады Кадыров.

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *