Камчыбек Ташиев: “Көчкү баскан элден кабар алган бийлик, өкмөттүн өкүлү жок, алар кийимсиз, тамак ашсыз калыптыр!”

Кечээ, 30-апрелде Өзгөн районундагы жер көчкү жүргөн Аюу айылына Ахматбек Келдибеков, Адахан Мадумаров, Камчыбек Ташиевдер барышып, жапа чеккендердин ал-акыбалынан кабар алып, алардын абалы менен жеринен таанышышты. Саясатчы Камчыбек Ташиев Фейсбуктагы баракчасына ал жактагы элдин абалы боюнча өзүнүн билдирүүсүн жазды:

Урматтуу Кыргыз элим!

Бүгүн биз Мадумаров А.К, Келдибеков А.К. жана мен Ташиев К.К. Өзгөн району Аюу айылында болгон көчкүдөн жабыр тарткандардан кабар алып келдик. Ошол жерден байкаган бир нече маселелер боюнча сиздер менен бөлүшөйүн деп чечтим:

1.Айыл өкмөт башчысы жана ӨКМден башкармалыктын башчысынан башка эч бир мамлекеттик органдан жооптуу кызматкерлер жок. Аким, Өкмөттүн өкүлү, ӨКМ министр же булардын орун басарлары эч ким жок. Элди караган мамлекеттин жоопкерчиликтүү адамдары болгон жок.

2.Жабыркаган элге жылуу жумшак жата турган жай же болбосо ысык тамак аш, кийим кечек эч нерсе жок.

3.Тоолор жарылып, көчкү токтогон жок, бирок адамдар ошол көчкү менен аралашып эле жүрөт. Элдин коопсуздугун сактоого эч кандай чаралар көрүлгөн эмес.

4.Мыйзам чегинде күнөөлүү мамлекеттик жоопкерчиликтүү кызмат адамдарынын жоопкерчилигин кароону прокуратурага тапшыруу зарыл. Бул апаатын көп адамдардын өмүрүн алып кетиши кызмат адамдарынын шалаакылыгы экендиги көрүнүп турат.

5. Бир сөз менен айтканда муңканган элди кор кылышыптыр, аттин ай элим кор болуптур!

1 ой-пикир

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *