Кана анда, аттандык!

Төгүлдүк, чачылдык,

Тепселдик, басындык.

Жер болуп кайрадан,

Гүлдөрдөй ачылдык.

 

Ыйладык, кыйналдык,

Ыймандан жыйналдык.

Өз эмес жатты да,

Өзсүнтүп сыйладык.

 

Жол болуп төшөлдүк,

Жоону да көтөрдүк.

Көк Теңир күчтөнтүп,

Көшөрүп, көтөрдүк.

 

Кан Манас дем берип,

Кармаштан ширелдик.

Түгөнүп кетээрде,

Түтөдүк, тирелдик.

 

Жараткан чыгышты,

Жараткан кыргызды.

Кыдырып келгенбиз,

Кылымдан – кылымды.

 

Башкалар чектегис,

Байыркы элденбиз.

Болсо да аз саныбыз,

Духубуз теңдешсиз.

 

Казаттан тапталдык,

Кайрадан башталдык.

Кана анда, алдыга,

Көч баштап аттандык!

Жума Мамбетов, акын

Булак: Фабула 

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *