Каптагаевдин “Капталы” эмнеге кычышып атат?

Айтып атабыз, деп атабыз, саясатта достук жок деп. Кызыкчылык күчтүү деп. Анан ич күйдүлүк да бар экенин унутпайлы. Билесиңер, өткөөл мезгилдин президенти Роза Отунбаеванын администрация башчысы Эмилбек Каптагаев эмес беле. Ага чейин Эмикеде эч кандай «саясий авторитет» жок болчу. Анан бактысына администрация тийип, төбөсү күнгө чагылышты го, чиркин. Мына ушул киши учурда Башмыйзамдын өзгөрүшүнө каршы чыгып, бийликти алынын жетишинче сындап олтурган кези. Эми сындаса сындасын, ичинде кызматсыз калган күйүтү бар да. Эгерде азыр бийликте болгонунда бир ооз үн ката албай олтурат эле. Андай мезгилдер да келип кеткенин эл унута элек. Кызматта кезинде аквариумдагы балыкчасынан аптыгып турчу. Эми болсо эбиреп атат, курулай көкүрөгүн койгулаганына ким ишенет? Баса, кезинде ажылык сапарды уюштуруу боюнча бир топ миллиондорду кымырып жибергендиги боюнча узун сабак кеп жүрүп, кийин дымып калган. Ажылыктан акча жасагандар үчүн мамлекеттин кызыкчылыгы канчанчы орунда болду экен?

Булак: Де-Факто 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *