Казак драма театрынын директору пара менен кармалды

Алматыдагы Мухтар Ауэзов атындагы Казак мамлекеттик академиялык драма театрдын директору Ерлан Билал пара менен кармалды. Бул тууралуу жергиликтүү ММКлар өлкөнүн антикоррупциялык кызматына шилтеме кылып кабарлашты.

Мекеменин басма сөз катчысы Нурлан Жахиндин билдиришинче, Билал театрдын базасында балдар көрсөтүүсүн өткөргөн юридикалык жактан ижара акы катары пара алып жаткан маалда кармалган. Ал күнөөсүн толук моюнуна алгандыктан, камакка алынган жок.

Учурда бул иш боюнча тергөө иштери жүрүүдө.

47 жаштагы Ерлан Билал мамлекеттик драма театрды 2015-жылдын апрелинен бери жетектейт. Ага чейин Мусрепов атындагы Казак мамлекеттик балдар жана өспүрүмдөр академиялык театрында көркөм жетекчи болуп иштеген. Билал Казакстандын эмгек сиңирген ишмери жана бир катар мамлекеттик ордендердин ээси.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *