Казак министри сексуалдык асылуулар жөнүндөгү айыптоолор боюнча соттошот

Казакстандын маданият жана спорт министри Арыстанбек Мухамедиулы кадыр-баркына доо кетирген айыптоолор боюнча сотко кайрылды. Аткаминер соттун чечими чыкканга чейин ММКларга комментарий бербей туруу чечимине келди.

Сонку аптада эң аз дегенде эки аял Мухамедиулыны сексуалдык асылууга айыпташкан. Исскуство академиясынын бүтүрүүчүсү Енлик Сыдыкова Арыстанбек Мухамедиулы ректор болуп турганда окууга өткөрүү үчүн пара талап кылганын жана ага асылганын билдирди. Бул жөнүндөгү анын видео кайрылуусу интернетте таркады.

Видео социалдык түйүндөрдө кеңири талкууланууда. Кыздарды Театр ишмерлер кеңешинин төрагасы дагы колдоду. Министр Арыстанбек Мухамедиулы Енлик Сыдыкованын айыптоолорун “жалган жалаа” деп атады. Чиновниктин пикиринде, кыздарды башка адамдар колдонуп, анын беделин түшүрүүгө аракет көрүп жатышкан сыяктуу.

Президенттик оркестрдин мурдагы флейтачысы дагы аны сексуалдык асылууга айыптоодо. 1990-жылдары оркестрди азыркы министр жетектеп турган.

Булак:  “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *