Казакстан «Евровидение» сынагына катышат

Кийинки жылдан тарта Казакстан музыкалык чыгармалардын «Евровидение» сынагына катыша баштайт. Бул маалыматты өлкөнүн Маданият жана спорт министрлиги ырастады.

Маалыматка караганда, Европалык алып көрсөтүүчүлөрдүн биримдиги сынакка катышуу боюнча Казакстандын 31-каналынын өтүнүчүн канааттандырды.

«Биз Маданият жана спорт министрлигинин колдоосу менен алгач май айында тандоо бөлүгүнө , андан кийин 2019-жылы чоң «Евровидениеге» катышуу үчүн аткаруучуларды жөнөтөбүз. Ага чейин тандоо кастинги өткөрүлөт», — деп билдирди 31-каналдын башкы директору Багдат Кожахметов маданият министри Арыстанбек Мухамедиулы менен болгон жолугушуусунда.

“Евровидение” сынагына телеканалдары Европалык алып көрсөтүүчүлөрдүн биримдигине кирген өлкөлөр катыша алышат. Эмдиги жылы сынак Португалияда өтөт. Ага 43 өлкө катыша турганын ырастады.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *