Казакстан футболчуларынын учагы Ереванга авариялык түрдө конду

Футбол боюнча Казакстан курамасынын учагы Ереван аэропортунан учуп, бирок көп өтпөй кайра аргасыздан конду. Бул тууралуу казак командасынын медиаофицери, спорттук блоггер Ербол Каиров Twitter’гe жазды.

Маалыматка караганда, Казакстан курамасынын учагынын аргасыз конушуна шассинин түзүк эместиги себеп болгон. Футболчулар чартердик учак алмаштыргандан кийин Казакстанга учуп кете тургандыктары айтылууда.

Казакстандын Футбол федерациясынын басма сөз кызматы бул маалыматты ырастап, бирок кеңири маалымат берген жок.

Казакстан командасы жекшембиде 2018-жылы өтчү дүйнөлүк чемпионатка тандоо мелдештеринин алкагында Армения курамасына 2:0 эсебинде утулган.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *