Казакстан өкмөтү: Кыргызстан үчүн интернеттин кымбатташы териштирилүүдө

 Казакстандын маалымат жана байланыш министри Даурен Абаев Кыргызстандагы интернеттин кымбаттоосу боюнча комментарий берди. Буга чейин кыргыз провайдерлери тарифтердин дээрлик үч эсеге чейин жогорулашына казак тарапты күнөөлөгөн.

«Биз бул маселени кылдап териштирип жатабыз. Кыргызстанга интернет жеткирүү милдетин жеке компаниялар жүзөгө ашырат. Азыр жеткирүүчүлөр бааны жогорулатуу боюнча кутумга барышканбы деген маселени карап жатабыз. Бул базар мамилеси, андыктан өлкө аталган тармакка ашкере кирише албайт. Эгер баа кутуму бар болсо, анда териштиребиз. Бул жерде дагы бир факторду эске алыш керек, биз интернетти Орусиядан алабыз. Бул дагы баа саясатында өз ролун ойнот», – деди Абаев.

Буга чейин Кыргызстандын Операторлор ассоциациясы Казакстан интернет тарифин 1,5-3 эсе жогорулатканын билдирген. Жаңы баа саясатынын себептери ачыкталган эмес. Мындан кийин айрым жергиликтүү операторлор тарифти көтөрүп же ылдамдыкты азайткан болчу.

Булак: Борбор Азия жаңылыктар кызматы

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *