Казакстанда оппозициялык журналисттин мүлкү камакка алынды

Алматанын Алмалуу райондук соту Nakanune.kz оппозициялык сайтынын ээси Гүзел Байдалинованын үйүн жана башка мүлктөрүн камакка алуу чечимин чыгарды.

Судья Кайрат Иманкулов журналистке тагылган айып оор кылмыштардын катарына кире турганын айтты.

Соттун токтомунда 2014-жылдын 29-апрелинен тартып 5-декабрына чейин Таир Калдыбаев Махамбетом Ауезовым, Рафаэлем Балгин, Гүзел Байдалинова менен биргеликте маалымат түйүндөрүн, анын ичинде Nakanune.kz сайтын пайдаланып, “Казкоммерцбанк” тууралуу жалган кабар таратканы айтылат. Мындан аталган банкка 144 миллион 235 миң теңге зыян келтирилген.

Былтыр май айында Алматанын Медеу райондук соту банктын доо-арызы боюнча Байдалинованы 20 миллионтеңге төлөп берүүгө жана сайттан макаланы алып салууга милдеттендирген. Журналист өткөн жылы 23-декабрда кармалып, тергөө абагына эки айга камакка алынган.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *