Казакстанда сот мунайчылардын талабын канааттандырган жок

Казакстанда сот Oil Construction Company (OCC) компаниясынын кесиптик кошуунунун төрагасы Амин Елеусиновдун ордуна Берик Бекбаевди дайындоо тууралуу чечимди жокко чыгаруу боюнча арызды канааттандырган жок. Чечим 18-апрелде жарыяланды.

Бул арада сот төрага милдетин аткаруучу катары Куспан Косшагуловду дайындоо тууралуу кесиптик кошуун башкармалыгынын 1-марттагы протоколун мыйзамсыз деп тапты.

Мунайчы активисттер соттун чечимине каршы доо арыз берүүгө ниеттенишүүдө.

Көз карандысыз кесиптик кошуундар конфедерациясынын лидери Амин Елеусинов ачкачылык акцияларынан кийин 21-январда камакка алынган. Көз карандысыз кесиптик кошуундар конфедерациясынын жоюлушуна каршы болгон 63 мунайчы жарандык жана административдик иш менен соттук иштерге тартылышкан.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *