Казакстандын түрмөсүндө төрт киши каза болду

20-мартта Казакстандын Костанай облусундагы колонияда дароо төрт адам каза тапты. Расмий версия боюнча алар органикалык эриткичтен ууланышкан.

«Кечинде соттолгондор колониянын өндүрүш зонасында иштеп жаткан кезде курамында спирти бар химиялык затты ичип, ууланышкан. Баары тез жардам менен жакын жердеги Ауликол райондук ооруканасына жеткирилген. Дарыгерлердин аракетине карабастан, төртөө ооруканада каза тапты», – деп билдиришти өлкөнүн Кылмыш жана жаза аткаруу комитетинен.

Мекеменин маалыматына караганда, дагы төрт киши жабыркап, бейтапканага жеткирилген. Алардын үчөөсүнүн абалы оор экени кабарланууда.

Учурда камактагы адамдардын өлүмү боюнча сотко чейинки тергөө иштери жүрүүдө.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *