Кыргыздын элим, жерим деген меценаттарына кайрылуу!

Урматтуу кыргыз элинин баалулууктарына кайдигер карабаган мекендештер!

Мамлекетибиздеги быйылкы “Тарых жана маданият жылына” байланыштуу, кылымдарды карытып келген кыргыз тарыхынын маанилүү учурларын чагылтып, кыргыз маданият мурастарын, керемет Ысык-Көлдүн ажайып жаратылышын дүйнөгө таанытуу менен бирге, жергебизде туризимдин өнүктүрүүнү дүйнөлүк денгээлге жеткирүү максатында, элибиздин жаш, жигердүү, жаңычыл азаматтары,- акча, көр дүйнө байлыгынан дагы, – улуттук-намыс, каада салт, акыл парасат байлыктарын жогоруу тутушкан Темирлан Ибраев, Азамат Исмаилов жана Кубаныч Аманбеков аттуу кыргыздын чыныгы мекенчил, атуул азаматтары, кыргызстанда биринчи жолку, Бүткүл дүйнөлүк, «Сыйкырдуу, Ысык-Көл Куму-2016» аталыштагы «Кум айкели (Песочная скульптура) боюнча 1-Бүткүл дүйнөлүк фестивалын» өткөрүү демилгеси менен чыгышканы, бизди зор кубанычка бөлөдү!

Урматтуу мекендештер! «Сыйкырдуу Ысык-Көл куму 2016» аталыштагы бул 1-фестивалы мамлекетибиздеги «Тарых жана маданият-жылына» байланыштуу дагы бир жаңы «Кыргыз кереметин» ( кыргызское чудо) бүткүл дүйнөгө таанытып, алып чыгаарына чын жүрөгүбүздөн ишенич артып турган чагыбыз!

Андан дагы, эң кубанычтуусу, бүгүнкү күнгө «Сыйкырдуу Ысык-Көл куму 2016» -фестивална аалам алкагынын 15-ашык мамлекеттин, белгилүү скульпторлору келип катышууга өз макулдуктарын бергендиги биздин демибизге дем кошкондой болду. Ошондой эле биздин азамат жигиттерибиз Ысык-Көлдүн кумунун чын эле керемет экендигин далилдеөө максатында Ысык-Көл куму менен, кыргыз балалыгынын символу болгон чүкөнү “алчи” (айкүр) кондурушуп айкел тургузушуп, төлгө кылышканы символикулуу да болуп калды. Ылыйым кыргыз элинин чүкөсү дайыма “айкүр” конуп турсун!…

Урматтуу бир туугандар! Албетте, мындай дүйнөлүк маанидеги бул фестивалды жогорку денгээлде өткөрүп алуу үчүн; биринчиден- фестивалдын байге фондусунун түзүүгө, экинчиден- аалам алкагынын, келе турган белдүү айкелчи, бедизчилерди учурдун талабына ылайык тосуп алып, жайгаштарууга, үчүнчүдөн- ар кандай заманбап техникалык-материалдык жабдуулар менен касыздоого көптөгөн финансалык каражаттар талап кылынары баарыбыз жакшы түшүнөт болушубуз керек! Бирок ошондой болсо дагы “уучубуз куру эмес” дегендей алгачкылардан болуп демилгени колдоп, мүмкүнчүлүктөрүнө жараша меценаттык колдоолорун көргөзүшкөн “Саякбай Манасчы Коомдук фондусунун” жетекчиси Саматбек Ибраев, КР ЖК депутаты Данияр Аттокуров, айтылуу Айдарбеков аксакалдын небереси, элчи Чынгыз Айдарбеков, ишкер Рысбек Мааткабылов, Маданият министрилигине жана чын дилинен колдоого алуу ниетин билгизген Ысык-Көл областтык ыйгарымдуу өкүлү Асхат Акибиаевичке алдына ала чоң ыраазычылыктарыбызды барыбыздын атыбыздан билдире кетмекчибиз!

Урматтуу кыргыз элинин баалулууктарына кайдигер карабаган мекендештер! Бир туугандар, кыргыз элим деген чыныгы кыргызымдын меценанттары, “жабыла көтөргөн, жүк жеңил”,- деп элибизде айтылгандай ушул жигердүү жигиттердин демилгесин жерге таштабай жапа тырмак колдоп берүүңүздөрдү жалпы элибиздин атынан суранабыз! Элибизде, «тарых элди жаратпайт-эл тарыхты жаратат»-дегендей ушул аты тарыхта калуучу жакшы саамалыкта кайдигерлик менен четте карап турсак жарабас!

Сиздерди терең урматтоо менен:

Мурат Жетимишбаев. Ысык-Көл областы.

Калмамат Турдубаев. Ош областы

Бейшенбек Бекешов. Бишкек шары.

Султан Абдырахманов. Ош шары.

Сыймык Бейшекеев. Токтогул

Майрамбек Адылбеков. Жала-Абад областы

Эмил Чымылдаков. Нарын областы.

Доорбек Абдыразаков. Алай району

Жылдызбек Абдраимов. Талас областы.

Таалайбек Айталиев, Талас шаары

Урматбек Турдушов. Чүй областы.

Тынчтыкбек Бапатегин. Каракол шаары

Талант Казаков. Токмок шаары

Улан Калдыбаев. Москва шаары.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *