Кытай менен Түркиядан Кыргызстанга өрт өчүрүү жабдыктары берилет

Кыргызстанга Кытайдан 100 даана өрт өчүруү унаасы жана Түркиядан тепкич алып келинет. Бул тууралуу Өзгөчө кырдаалдар министри Нурболот Мизахмедов билдирди.

Ал ошол эле учурда республикалык бюджеттен жок дегенде 5 техника алууга акча бөлүү сунушу берилгенин айтат. Министрдин маалыматында ӨКМге өрт өчүрүү унаалары акыркы жолу 2008-жылы алынган.

Бүгүнкү күндө өлкөдө 50 метр узундукта гана эки тепкич бар. Анын бири начар абалда. Министр кошумчалагандай, ӨКМдин сунушу кабыл алынса жаңы техникалар Бишкек жана Ош шаарларына жиберилет.

Булак: «Мантыш»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *