Мамлекеттин сырын төгүп бүтүптүр…

Мурдагы премьер-министр Амангелди Муралиевдин уулу, мурдагы өкмөттүн аппаратынын тышкы иштер бөлүмүн жетектеген Алтынбек Муралиев “мамлекетке чыккынчылык кылды” деген айып менен кармалып, 1-май райсоту тарабынан 12 жылга эркинен ажыратылды. Прокуратура менен УКМК бул мамлекеттик кызматкер тээ 2004-жылдары эле Түркияда окуп жүргөн маалда коңшулаш мамлекеттердин атайын кызматтары менен байланышта болгонун, кийин ошол байланыштары дагы күчөп, 2012-2014-жылдар аралыгында ал кызмат абалын кыянат пайдалануу менен мамлекеттик сыр болуп эсептелген жашыруун документтерди сыртка чыгарып келгенин айтат. Алардын сөзүнө таянсак, ал акыркы жылдары мындай баалуу делген кагаздардан 400гө чукул документти сыртка чыгарып, атайын кызматтагыларга тыңчылык кылган экен. Бирок ушул жерден күдүк суроо туулат. Анткени эмне үчүн тээ он жыл мурун эле “кылтың- мылтыңы” байкалган адамды УКМК өкмөттүн эл аралык байланыштар бөлүмүн жетектөөгө мүмкүнчүлүк берет жана 400дөй документ уурдалганча аны тузакка иле албайт? Балким оперативдүү топтор иш билгилик менен кызматын аткарганда, мамлекеттик сыр мынчалык сыртка төгүлбөйт беле?

Булак: Фабула 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *