“Мемориал”: түркмөн жабык түрмөсүндөгүлөр биринчи жолу туугандары менен жолугушту

Түркмөнстанда “Мемориал” укук коргоо уюму Овадан-депе жабык түрмөсүндө кармалгандар биринчи жолу туугандары менен жолугушууга мүмкүнчүлүк алышканын билдирди.

Уюмдун маалыматы боюнча 2018-жылы 28-июнда “ислам экстремизми” үчүн соттолгон 30дан ашуун киши туугандары менен жолугуп, 40 мүнөттөн сүйлөшүшкөн.

Алардын арасында түрк ислам ойчулу Саид Нурсинин эмгектерин изилдегени үчүн эркинен ажыратылган төрт жаран бар.

Овадан-депе түрмөсү Ашхабаддан 70 чакырым аралыктагы айылда жайгашкан. Ал туткундарды кармоодогу өтө катаал шарты менен белгилүү. Укук коргоочулардын айтымында, саясий себептерден улам эркинен ажыратылгандар дал ушул жайга жайгаштырылган.

Эл аралык укук коргоо уюмдарынын маалыматы боюнча саясий себептерден улам камалган жүздөгөн кишилер тууралуу маалыматтар жок. “Аларды тирүү көрсөткүлө” кампаниясынын алкагында 113 жарандын дайыны чыкпай калганы белгилүү болгон. Акыркы эки жылда ушул тизмедеги бир нече кишинин сөөгү туугандарына берилген.

Булак: «Борбор Азия жаңылыктар кызматы»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *