Мирзиёев апрелде Москвага расмий сапар менен барат

Өзбекстандын тышкы иштер министри Абдулазиз Камилов орусиялык кесиптеши Сергей Лавров менен телефон аркылуу сүйлөштү. Орусия ТИМинин басма сөз кызматы билдиргендей, сүйлөшүү 18-мартта, өзбек тараптын демилгеси менен ишке ашкан.

Тараптар Өзбекстан президенти Шавкат Мирзиёевдин Орусияга болчу мамлекеттик сапарына карата көрүлүп жаткан даярдыктарды талкуулаганы кабарланууда. Андан сырткары эки тараптуу мамилелердин актуалдуу маселелери жана сырткы саясат боюнча өз ара кызматташуунун абалы менен келечеги тууралуу сөз болду.

Ушул жылдын апрелинде Шавкат Мирзиёев мамлекеттик сапар менен Орусияга барат. Анын жүрүшүндө кол коюу сунушталган документтердин топтому даярдалган. Өзбек тарап алардын ичинен эмгек миграциясы, саламаттыкты сактоо, өлкөлөрдүн аймактарынын ортосундагы кызматташтык, туризм жана башка багыттар боюнча өкмөттөр аралык макулдашууларды баса белгилөөдө.

Булак: Борбор Азия жаңылыктар кызматы

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *