Москва ЕККУнун куралдуу миссиясынын Донбасска киришине макулдук берген эмес

Аскерий миссия боюнча макулдашуулар жөнүндө буга чейин “Интерфакс” билдирген эле.

Москва Донбасста ЕККУнун куралдуу миссиясын жайгаштырууга макулдук берген эмес. Бул туурасында Орусиянын ТИМи билдиргенин “Интерфакс” кабарлады. “Бул маселени талкуулоо үчүн белгиленген форматтар бар. Биринчи кезекте аны Минскте чогула турган контакттык топ карашы керек”, – деп баса белгилеген министрлик.

Буга чейин “Интерфакс” Украина президентинин администрация башчысынын орун басары Константин Елисеевге шилтеме берүү менен орусия тарап ЕККУнун куралдуу миссиясы Донбасста ишин баштоосуна макул болгондугун кабарлаган. Украина президентинин администрациясынын сайтында бул маселе талкуулангандыгы маалымдалган эмес.

Орусия ТИМ башчысы Сергей Лавров бир күн мурун Украинанын чыгышындагы коопсуздукту “эл аралык күчтөрдүн” жардамы менен камсыздоо Минск келишиминде каралбагандыгын жана “Донбасс эч качан буга барбай тургандыгын” билдирген.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *