Мунайдын баасы төмөндөдү

Бейшембиде мунайдын баасы беш пайызга арзандап, былтыр ноябрдагы деңгээлге жетти. Brent үлгүсүндөгү бензиндин наркы 48 доллар 38 центке арзандады. АКШда өндүрүлгөн мунай – 45 доллар 48 центти түздү.

Талдоочулар Ливиядагы касташкан куралдуу топтордун ортосундагы тынчтык келишимдин илгерилеши – мунай баасынын арзандашына түрткү болуп жатканын билдиришүүдө. Себеби буга чейин тынымсыз кагылышуулар ири мунай өндүрүүчү жайлардын ишине кедергисин тийгизип келген.

Ливияга ОПЕКтин квотасы берилген эмес, мындан улам тынчтык орнотулса, өлкөдө күн сайын бир жарым миллиондой баррель мунай өндүрүлүшү ыктымал.

Бул арада мунай өндүрүүгө тоскоол болгон саясий туруксуздукка Нигерия дагы чекит коюуга ниеттенүүдө.

Кошмо Штаттар дагы мунай иштеп чыгууну көбөйттү.

25-майда ОПЕКтин мүчөлөрү Венада чогулуп, мунай өндүрүүнү азайтуу боюнча макулдашууну жылдын соңуна чейин узартууну көздөшүүдө.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *