НАТО Орусия менен бирге Украинадагы абалды талкуулоого даяр

Түндүкатлантикалык альянс НАТО — Орусия жолугушуусунда Донбасстагы абалды талкуулоого даяр. Бул тууралуу маалымат жыйында НАТОнун баш катчысы Йенс Столтенберг билдирди.

Анын айтымында, альянстын өкүлдөрү Орусия менен Минск келишимдерин жана шаршембиде Берлинде «норманд төрттүгүнүн» лидерлери макулдашкан «жол картаны» ишке ашырууну талкуулоону каалашат. Столтенберг сүйлөшүүлөрдүн качан болушу мүмкүндүгүн тактап айткан жок.

2014-жылы Орусия Крымды аннексиялап алгандан кийин НАТО Москва менен кызматташуусун токтоткон. Столтенбергдин айтымында, учурда Орусияга карата саясий диалог тактикасы пайдаланылууда.

Булак:  “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *