Нацизм жылдарында еврейлерди сактаган араб тектүү дарыгер сыйланды

Берлинде Мухамед Хельмиге ал өлгөндөн кийин медаль жана дүйнө элдеринин диний ишмерлеринин грамотасы ыйгарылды. Ал бул наамга татыктуу алгачкы араб тектүү киши болуп калды. Сыйлыкты «Яд ва-Шем» катастрофа жана героизм мемориалынын израиль интитуту ыйгарат.

Мухамед Хельми – египеттик дарыгер, нацизм жылдарында Берлинде иштеген, өмүрүн тобокелчиликке салып берлиндик еврейлердин өмүрүн сактап калган. Ал Анна Боросту, анын энесин жана чоң апасын депортациядан сактап калган. Мухамед Хельми тирүү кезинде эле өз жанын аябагандыгы үчүн Германиянын мурдагы канцлери Вилли Брандттын сыйлыгына ээ болгон.

Израилде Мухамед Хельмини сыйлоо чечими ал өлгөндөн кийин кабыл алынган. Белгилүү дарыгер 1982-жылы Берлинде көз жумган. Анын эмгектери Израилде акыркы төрт жылдан бери гана маалым боло баштаган.

Германиядагы Израиль элчисинин колунан медаль жана дипломду Хелминин жээни, дарыгер Насер Котби алды. Ал азем үчүн атайын Каирден келген. Учурда Мухамед Хельми тууралуу Израилде даректүү тасма тартылууда.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *