Назарбаев казак илимпоздорунун ишине канааттанбай турганын билдирди

Казакстан президенти Нурсултан Назарбаев казак окумуштууларынын илимий эмгектерине суроо-талап аз экенин жана  көчүрмө иштер бар экенин билдирди. Бул тууралуу ал Казакстан Илимдер академиясынын 70 жылдык мааракесине арналган жыйын учурунда билдирди.

Назарбаев Билим берүү жана илим министрлигине, Илимдер академиясына жана жогорку окуу жайларга илимий эмгектерди эл аралык рейтинг базасына киргизүүнү тапшырды.

Анын айтымында, илимий эмгектердин жарымынан кем эмеси англис тилинде жарыяланышы керек жана дүйнөлүк маалымат базасына тиркелиши шарт.

Жыйынга Орусия, Беларус, Грузия, Украина, Молдова, Кыргызстан, Өзбекстан жана Тажикстан өлкөлөрүнүн илимий академияларынын жетекчилери катышты.

Булак: Борбор Азия жаңылыктар кызматы

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *