Нурбек Токтакуновдун өлүмүнө ким себепкер?

2016 -жылдын 30-январь күнү  болжол менен  кечки саат 20:00 аралыгында Нарын облусунун Ат-Башы айылынын тургуну Токтакунов Нурбек Орозмукамбетович   Ат-Башы айылындагы үйдөн “тамеки  алам” -деп эшикке чыгып кеткен бойдон кайрылып келбей калды. Мурда-кийин бир да жери ооруп, ооруканага кайрылган эмес, бирок, ошол каргашалуу күнү белгисиз себептер менен көчөдө бүк түшүп отуруп калганын көргөн айыл тургундары  тез жардам кызматына кабарлаган. Тез жардам кызматынын бизге берген маалыматына караганда, “Нурбек Токтакуновдун абалы бейтапканага алып барууга муктаждык жаралган эмес”деп алгачкы жардамын көрсөтпөстөн , Ат-Башы райондук ички иштер бөлүмүнө кабарлап, Токтакуновду милиция алып кеткен. Бул жерде маркумдун абалы канааттандыралык болуп жаткан билген тез жардам кызматы эмне себептен милициянын колуна салып берди деген күмөндүү ойлор жаралат. Азырынча судмедэкспертизанын жыйынтыгы толугу менен чыга элек, алдын-ала айрым маалыматтар боюнча спирттик ичимдиги ичпегендиги ачыкталган.

Экинчи күмөн жаратуучу жагдай: Райондук ички иштер бөлүмү Нурбек Токтакуновду соттолгондор жата турчу жайга алып барып камап салган. Ур-токмокко алып, кыйноолордун негизинде өлтүрүлгөнү туурасында күмөн ойлор жаралат. Себеби, өлүктү караганда, баш мээси жагы томпоюп шишип калган, бөйрөк тараптарында көк-ала тактардын изи турат.  Ал ошентип бир кыйла убакытка чейин кыйналып жатып Токтакуновдун үнү чыкпай калганын сезген милиция өкүлдөрү барган соң, эбак каза тапкан. Бул түнкү саат экиден, таңкы саат жетилердин ортосунда болгон окуя. Эртең менен жетилерде Ат-Башы райондук бейтапканасында орун алган өлүкканага сөөгүн алып барып таштаган. Ошол эле күнү саат 11лер чамасында Нурбек Токтакуновдун атасы Орозмукамед Токтакуновго  “өлүкканадагы сөөк сиздин уулуңуз болушу мүмкүн” деп карап көрүүсүн өтүнгөн бойдон кетет. Бул жерде да оркойгон күмөндүү суроолор туулат: эмне себептен бири-бирин, алтургай, иттерине чейин тааныган Ат-Башы айылында Нурбек Токтакуновду таанымаксан болуп, алтургай, өлтүргөндөн кийин гана “балаң өлүп калыптыр” деп милиция кызматкерлердин билмексенге салышы эмнени каңкуулайт?

Күмөндүү суроолорго ачык жоопту укук коргоо органдарынан талап кылабыз:

  • Нурбек Токтакуновдун көчөгө бүк түшүп жатып калышына эмне себеп, эгерде, мас болсо, тез жардам кызматы аларды аныктай албайбы? Спирттик ичимдиги ичкендиги ачыкталбай туруп, эмне себептен милицияга карамата салышкан?
  • Ички иштер министрлигинин кызматкерлери мас экенин аныктабай туруп эмне себептен убактылуу кармоочу жайга камайт? Ошол эле маалда маркумдун денесиндеги тактар эмне себептен пайда болгон?
  • Камерадагы видео байкоолорду эмне себептен арадан канча убакыт өтсө дагы эч кимге көрсөтпөй ар кандай шылтоолор менен ИИМ көрсөтпөй жатат. Эгерде ушул видеолор ачыкка чыкса каргашалуу окуянын келип чыгышынын себептери так ачыкталмак. Мындан улам ИИМ кызматкерлерине шек саноолор жаралып жатат. Токтакуновду ур-токмокко алып, зордук-зомбулук менен өлтүргөнү ачыкка чыгып калат деген негиз менен жашырып жаткандай сезилет.
  • Тирүү кезинде таанымаксан болуп туруп, каза тапкандан кийин милиция Нурбек Токтакунов экенин кантип таанып калышты?

Сурап билүү телефону: 0700708792— 0701477450

Улукбек Кутманбаев, журналист

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *