Өкмөттүн жаңы курамын түзүү үчүн VI чакырылыштагы Жогорку Кеңештин кезексиз сессиясынын иши өтүүдө

Бүгүн, 25-августта КР Өкмөтүнүн жаңы курамын түзүү үчүн VI чакырылыштагы Жогорку Кеңештин кезексиз сессиясынын иши башталды. Бул туурасында Жогорку Кеңештин Басма сөз кызматы билдирет.

КР Жогорку Кеңешинин Төрагасы Чыныбай Турсунбеков Кыргыз Республикасынын Президенти Алмазбек Атамбаевдин КР Өкмөтүнүн жаңы курамын түзүү максатында Кыргыз Республикасынын Жогорку Кеңешинин кезексиз сессиясын чакыруу жөнүндө сунушу келип түшкөндүгүн маалымдап, КР Конституциясынын 77-беренесинин 3-бөлүгүнө жана “Кыргыз Республикасынын Жогорку Кеңешинин Регламенти жөнүндө” мыйзамдын 34-беренесинин 4-бөлүгүнө ылайык, Жогорку Кеңешти кезексиз сессияга чакыргандыгын айтты.

Учурда КР Өкмөтүнүн жаңы курамын түзүү үчүн тиешелүү жол-жоболорду өткөрүү максатында танапис жарыяланып, Жогорку Кеңештин Көпчүлүк коалициясы чогулууда. Андан соң Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитетинин жыйынында аталган маселе каралмакчы.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *